اكتشفي ... ألوان موضة 2024 لفرش شاليهات الساحل الشمالي

لأن الساحل الشمالي هو مكان الأجازات الطويلة؛ هقولك على نصايح تخلي الشاليه بتاعك مريح ومميز، لو عندك شاليه في الساحل الشمالي أو بتفكري تشتري شاليه في الساحل الشمالي.

إزاي تختاري الألوان تالمناسبة لشاليه الساحل الشمالي

3 عوامل لازم تاخدي بالك منها وانت بتفرشي شاليهك في الساحل الشمالي؛ علشان تحسي إحساس جديد ومتيز في الشاليه في أجازتك:

1. لو كانت مساحة الشاليه كبيرة، يُفضل تختاري الألوان الهادية والغامقة، وممكن تستخدمي الألوان الفاتحة في البراويز والديكورات. والعكس صحيح، لو مساحة الشاليه بتاعك مش كبيرة، يستحسن تستخدمي الألوان الفاتحة علشان تحسي بوسع أكتر للشاليه. 

2. وبالنسبة لألوان الغرف، هتعتمد بشكل أكبر على الإضاءة الطبيعية للغرف، يعني لو الغرفة بيدخلها إضاءة طبيعية، ممكن تستخدمي الألوان الغامقة، لكن لو الغرفة غير مضيئة، يستحسن تستخدمي الألوان الفاتحة الخفيفة.

3. ارتفاع السقف ليه دور مهم في اختيارك لألوان سقف الشاليه، لو كان سقف الشاليه مرتفع، ممكن تستخدمي لون أغمق من لون الحائط، لكن لو السقف منخفض، يُفضل تستخدمي لون افتح من لون الحائط؛ علشان يبان السقف أعلى.

ألوان موضة 2024 لشاليهات الساحل الشمالي:

اختيارك لألوان مناسبة لغرف شاليهك في الساحل الشمالي، هيديلك شعور بالراحة في كل غرف الشاليه. أول حاجة لازم تعرفي الألوان الدافية وهي (الأحمر، والأصفر، والبرتقالي، بتدريجاتهم)، ومجموعة الألوان الباردة، وهي (الأزرق، والأخضر، والبنفسجي، بتدريجاتهم). مع العلم ان موضة ألوان دهانات 2024 هي الألوان الدافية.

بالنسبة لغرفة النوم وغرفة الأطفال، يُفضل تختاري ألوان هادية تحسسك بالاسترخاء، وبالتالي اختيارك يُفضل يكون من مجموعة الألوان الباردة زي الأخضر والأزرق الكريمي، وتبعدي في اختيارك عن الألوان الزاهية. يُفضل تختاري للريسبشن ألوان دافية زي الأصفر الكريمي والبيج.

حاولي دايمًا تختار الأثاث الأبسط والأصغر في الحجم، علشان تستفيدي بكل متر في الشاليه، والأهم انه يكون ذوقك وبيعبر عن شخصيتك.