موقع بيتك نص قيمته

مكان بيتك بيحدد سعره وقيمته؛ لأنه أهم عامل في العقارات بشكل عام؛ لأن العقارات لا تُنقل، وبالتالي لازم تختار مكان بيتك بعناية؛ علشان كدة لازم تخلي بالك من العوامل الـ 3 دي علشان تختار مكان بيت مناسب ليك ولأسرتك.

موقع بيتك يضيف لراحتك

أهم حاجة بندور عليها في البيت بشكل عام هي الراحة، وده اللي هتضمنه لما تختار لوكيشن بيتك في منطقة هادية وراقية من المدن الجديدة، اللي قامت الدولة على إنشائها في الفترة الأخيرة، زي مدينة المستقبل، اللي تم إنشائها امتداد للتجمع واتخطط لها من أول يوم علشان تكون مدينة خضراء وصديقة للبيئة، وتستوعب العدد الكبير من المشاريع السكنية والتجارية. من أهم مميزات مدينة المستقبل هي ان كلها عبارة عن كمبوندات، وده اللي هيضمنلك أسلوب حياة راقي ليك ولأولادك، تقدر تطمن عليهم يكبروا فيه ويعيشوا فيه معاك أو من غيرك؛ لأن البيت هو أكتر مكان بيقضوا فيه وقتهم، وكل اللي حواليهم بيأثر عليهم وعلى سلوكياتهم وتصرفاتهم بشكل كبير. 

خليك أقرب من كل اللي حواليك

قيمة بيتك هتعلى كل ما كان أقرب من الطرق الرئيسية، زي طريق السويس والطريق الدائري اللي بيوصلك لمستقبل سيتي في 20 دقيقة من مدينة نصر ومصر الجديدة. الطرق الجديدة هتقربلك مشاويرك اليومية، زي مشوار مدارس الأولاد ومكان شغلك، وهتلاحظ انعكاس ده عليك وعلى أولادك بشكل إيجابي؛ لأنك هتوفر وقت كبير جدًا كان هيضيع كل يوم في الطريق والزحمة عليك وعليهم، وهتسهل عليك مشوار أصحابك وأهلك وكل الأماكن اللي انت متعود عليها، وبكدة تبقى أخدت خطوة أحسن في حياتك وحافظت على الناس والأماكن اللي بتحبها.

موقع مميز يعني حياة أسهل 

علشان حياتك تكون أسهل، لازم تكون قريبة من الخدمات على مسافة مش أقل من 15 دقيقة. من أهم الخدمات اللي هتساعدك تكون حياتك أسهل، هي المولات والماركت؛ علشان تقضي وقت مع عيلتك وتقدر تلاقي كل اللي هتحتاجه حواليك، وتاني حاجة هي المراكز الطبية والمستشفيات؛ علشان تبقى جاهز لأوقات الطوارئ. كل الخدمات دي وأكتر هتلاقيها قريبة منك في المدن الجديدة، غير أماكن الخروج والسهر والنوادي، والمدارس.

اختيار موقع مناسب لبيتك مش صعب، لو قدرت تختار بيتك في منطقة تقدم لأولادك أسلوب حياة يليق بيهم وتطمن على أولادك يكبروا فيها، ويكون قريب من الطرق الرئيسية علشان توصل لأي مكان في دقايق، وأهم حاجة تلاقي جنبك الخدمات اللي هتحتاجها، اضمنلك ان القرار هيكون أسهل، وهتقدر تلاقي الموقع اللي يرفع من قيمة بيتك.